• Proban izena ematea

    Proba bat egiteko, lehenik, erabiltzaileak webgunean erregistratu beharko du, eta pasahitz pertsonal bat sortu. Matrikulazioa enpresa bateko arduradun batek egiten duenean, arduradunak bait@tecnalia.com ebaluatu beharreko erabiltzaile eta moduluen zerrenda bat bidaliko dio BAITeko taldeari, sistemak erregistra ditzan eta automatikoki matrikulatu ditzan enpresan egin beharreko probetan.

    Zentro ziurtatuetan eman behar da izena, edo "Matrikulazio-inprimakiaren" bidez. Eskatu zaizkion datu pertsonalak emango ditu erabiltzaileak, eta proba zein zentrotan egin nahi duen aukeratuko du.

    Gainera, kontuan izan behar dira puntu hauek:

    • Gutxienez 14 urte izan behar dira azterketa egiteko.
    • Espainiako nortasun-agiria izan behar da nahitaez: NANa, AIZ, pasaportea edo gidabaimena.
    • Azterketaren data baino 4 egun natural lehenagora arte matrikulatu daiteke, salbu eta jendeak aurretik izena eman badu eta plazaren bat libre badago. Halakoetan, azterketaren aurreko egunean ere matrikulatu ahal izango da.
    • Adibidea: Norbaitek urtarrilaren 23an, ostirala, egingo den proba batean matrikulatu nahi du. Izena emateko azken eguna "Matrikulazio-inprimakiaren" bidez hilaren 19a, astelehena, izango da. Baina demagun hilaren 20an (asteartea), 21ean (asteazkena) edo 22an (osteguna) probaren bat egingo dela, jendeak haietan izena eman duela, eta plaza batzuk libre daudela. Kasu horretan, matrikulatu ahal izango da proba horietan ere.
    • Enpresaren arduradunak egiten duenean matrikula, posta elektronikoz jakinaraziko zaio erabiltzaileari proba zer ordutan eta tokitan egingo den.
    • Proba bat baino gehiago egin daiteke egun berean, baldin eta modulu desberdinetakoak badira eta haietako bakoitzean izena eman bada.
    • Modulu berean ezin dira batera bi matrikula irekita eduki.
    • Modulu berera bigarren aldiz aurkezten bazara, gaitasun digitalen arloan aurretik erdietsitako mailak mantenduko dira. Erabiltzailea goragoko mailetara iristen bada probako gaitasunen digitalen batean, eguneratu egingo dira haren profil digitalean.
    • Proban laguntza bereziren bat behar izanez gero, azterketaren data baino gutxienez astebete lehenago matrikulatu beharko du.
    • Izena emateko inprimakian "BAI" markatzen baduzu, Tecnalia R&I-k ziurtagiri bat eskatu ahal izango du, desgaitasuna duzula frogatzeko.
    • BAIT zerbitzua kudeatzeko, 3/2018 DPBEDBPLO betez, jakinarazten dizugu eman dituzun datu pertsonalak SPRIren fitxategi informatikoetan jasoko direla. Informazio gehiago lortzeko, irakurri atal hau: Pribatutasun-politika.
    • Erabiltzaileak aplikazioaren demo bat du, eta esteka honen bidez atzi daiteke: DEMOA

  • Baliogabetzea

    Matrikularen bat baliogabetu nahi baduzu, probaren eguna baino 4 egun natural lehenago baliogabetu behar duzu gutxienez.

    Norbaitek urtarrilaren 23an, ostirala, egingo den proba bateko matrikula baliogabetu nahi du. Hilaren 19an, astelehena, baliogabetu ahal izango du matrikula Erabiltzailearen historia erabiliz.

    Arrazoi justifikatuengatik (medikua, arazo juridikoak edo kontratu berria) baliogabetu behar izanez gero matrikula bat, eta webgunearen bidez baliogabetu ezin bada epez kanpo dagoelako, dagokion frogagiri ofiziala bidali behar da, hona:  bait@tecnalia.com .  Posta elektronikoz jakinaraziko zaio erabiltzaileari deialdia baliogabetzeko eskaeraren inguruko erabakia.

    (*) Arrazoi medikoen kasuan, frogagiriak ezin du izan osasunari buruzko ezein eratako informaziorik. Era berean, segurtasun-arrazoiengatik, frogagiria gainbegiratu ondoren, ezabatu egingo da, eta ez da haren kopiarik gordeko. Horrenbestez, erabiltzailearen erantzukizuna da kopia bat gordetzea, aurrerago erabili behar izanez gero ere.

  • Proba

    • Ezinbesteko baldintza da Espainiako nortasun-agiri bat eramatea (NANa, AIZ, pasaportea edo gidabaimena), proban izango den tutoreak egiazta dezan.
    • Ekarri ahal izango dira zentrora haurtxoak edo 6 urtera arteko haurrak, baina isilik egon beharko dute, eta ezingo diete gogait eragin proban dauden gainerako erabiltzaileei.
      Halaber, horren berri eman beharko da matrikula egitean, astebete lehenago ("Eskatutako laguntza" atalean), sarbidea errazteko eta proba ahalik eta baldintzarik onenetan egiten laguntzeko.
      Probak dirauen bitartean ezin badira bete isilik egoteko eta gainerako erabiltzaileei gogait ez eragiteko arauak, aretotik atera beharko du aztertzaileak, eta erabilitako deialdi gisa hartuko da.
    • Arrazoiren batengatik ezin badu probara joan, erabiltzaileak deialdi hori kontsumituko du. Arrazoia justifikatuta badago, frogagiri ofizial egokia aurkeztu beharko da, deialdia ez kontsumitzeko. Irakurri atal hau: Baliogabetzea .
    • 2 ordu emango dira proba egiteko.
    • DigComp esparruko 5 gaitasun-arloetan oinarrituta daude probak. Era berean, gaitasun-arlo bakoitzak biltzen dituen gaitasun digitalen arabera egituratuta dago proba bakoitza. Erabiltzaileak proba amaitutakoan, automatikoki kalkulatzen dira lortutako mailak, bai gaitasun digitaletako bakoitzerako, bai gaitasun-arlorako. Halaber, emaitza horiekin zuzenean elikatzen da erabiltzailearen profil digitala. Ziurtapenen baten gutxieneko baldintzak betetzen badira (BAIT Oinarrizkoa, BAIT Ertaina edo BAIT Aurreratua), posta elektronikoz emango zaio horren berri erabiltzaileari, eta ziurtagiria nola deskargatu adieraziko zaio.
    • Probetako galdera-kantitatea aldakorra da; egin beharreko ebaluazio-moduluaren araberakoa izango da. Proba bakoitzaren xehetasunak eta maila-tarteak ziurtapen bakoitzaren menuko atalean kontsultatu daitezke .
    • Erabiltzailea berriro aurkezten bada aurretik egindako modulu bateko proba batera, gaitasun digital bakoitzean aurretik erdietsitako mailak mantenduko dira; hau da, aurretik lortutako emaitzak berdindu edo hobetu baino ezingo ditu egin.
    • Zentroak arazoren bat badu (sareko arazoak, hornidura-arazoak, makinen akatsa, etab.) eta ezin bada ezarritako orduan hasi proba, tutoreak eta erabiltzaileek adostuko dute ea matxura konpondu ondoren geratzen den denbora nahikoa den proba amaitzeko.
    • Emandako ordua baino 10 minutu geroago azalduz gero, ezin izango da gelan sartu, eta erabiltzaile horri baliogabetu egingo zaio proba. Kontsumitutako deialdi gisa hartuko da.
    • Erabiltzaileak ez du proba hasiko zentroko arduradunak hasitakotzat ematen duen arte; hau da, erabiltzaile guztiak identifikatuta eta proba egiteko erabiliko den ordenagailuaren aurrean eserita egon arte.
    • Erabiltzailea probaren aplikazioan soilik sartu ahal izango da, eta ezin izango du esleitutako PCan erabilgarri egon litezkeen beste aplikazio batzuetan sartu.
    • Zentroko arduradunak ezin izango dizkie erabiltzaileei argitu galderetako edukiarekin erlazionatutako zalantzak; aplikazioaren funtzionamenduarekin erlazionatutako zalantzak soilik argitu ahal izango dizkie.
    • Probak dirauen bitartean, erabiltzailea isilik egongo da, ez du ezer esango ozen, eta ezin izango ditu beste erabiltzaileekin kontsultatu erantzun beharreko galderekin erlazionatutako alderdiak.
    • Erabiltzaileak ez badu aplikazioa erabiltzen 15 minutuz, iraungi egingo da saioa, eta erabiltzaileak berriro identifikatu beharko du.
    • Ezin da erabili apunterik edo ikasketa-materialik, ezta aurkeztutako galderetako edukia ulertzeko aukera ematen duen paperik edo bestelako bitarteko elektronikorik ere.
    • Zentroko arduradunak proba globala baliogabetzeko aginpidea izango du egoerak hala eskatzen duenean.
    • Zentroko arduradunak aginpidea du erabakitzeko erabiltzaile batek ezin duela jarraitu proba egiten, egoerak hala eskatzen badu.
    • Erabiltzaileak portaera desegokia badu probak dirauen bitartean (adib., apunteak erabili, telefono mugikorrez hitz egin), baliteke probarik egin ezin izatea 2 hilabetez. Erabiltzaile batek behin eta berriro baldin badu portaera desegokia, ezin izango du azterketarik egin gorabehera gertatu eta hurrengo 6 hilabeteetan.
    • Probaren ondoren erreklamazioren bat egin nahi bada ordenagailu blokeatuei, aplikazioaren funtzionamendu-arazoei edo sarearen etenei dagokienez, proba amaitu baino lehen egin beharko zaizkio zentroko tutoreari. Une horretan, Tecnalia R&I-k arazoaren norainokoa ebaluatuko du, eta kasuan kasu hartuko du erabakia. Zentroko arduradunak ezin izango du erabiltzaileak eskatutako ezein erreklamazio-mota ebatzi probarekin berarekin zerikusia baldin badu. Erreklamazioak bildu baino ez du egingo, gero Tecnalia R&I-k trata ditzan.
    • Zentroko arduradunak ezin izango ditu argitu erabiltzaileak lortutako azken emaitzari buruzko zalantzak. Emaitza hori automatikoki sortzen du Tecnalia R&I-k, eta arduradunak ez du inola ere esku hartzen.

  • Berrikuspenak

    • Huts egindako galdera bat erreklamatu nahi izanez gero, mezu elektroniko bat bidali behar du helbide honetara: bait@tecnalia.com . Galdera bat edo erabiltzaileak emandako erantzun bat berrikusi ostean, BAITeko talde teknikoak posta elektronikoz jakinaraziko dio berrikuspenaren emaitza.
    • Proba egin ondorengo 6 hilabeteetan egin ahal izango da berrikuspena/erreklamazioa.
    • Koherentziarik ez duten erreklamazioak eta arrazoibiderik eta/edo irizpiderik ematen ez dutenak baliogabetu egingo dira, eta, beraz, ez zaie erantzungo.