BAIT OINARRIZKOA

BAIT

OINARRIZKOA

BAIT OINARRIZKOA ziurtapena profesional hauei zuzenduta dago:

  • Tresna digitalak erabiliz informazioa modu eraginkorrean aurkitzeko eta hautatzeko funtsezko trebetasunak behar dituztenak. Horrenbestez, profesional horiek gai izan behar lukete onlineko bilaketak modu eraginkorrean egiteko, aurkitutako informazioaren fidagarritasuna eta garrantzia ebaluatzeko, eta datuak modu egituratuan antolatzeko eta biltegiratzeko. Oinarrizko mailan, espero da profesionalak gai izatea bilaketa-tresnak erabiltzeko, onlineko pribatutasunaren eta segurtasunaren oinarrizko kontzeptuak ulertzeko, eta fitxategi eta datu arruntak erabiltzeko. Halaber, gai izan behar lukete informazio digitaleko askotariko iturriak erabiltzeko (esaterako, onlineko liburutegiak edo datu-baseak), bere informazio-beharrei egoki eta arduraz erantzuteko.
  • Ingurune digitaletan modu eraginkorrean interakzioan aritzeko eta lan egiteko oinarrizko trebetasunak behar dituztenak. Horrenbestez, profesional horiek gai izan behar lukete argi eta zehaztasunez komunikatzeko era guztietako bitarteko digitalen bidez; esaterako, mezu elektronikoak, berehalako mezuak edo sare sozialak. Gainera, gai izan behar lukete onlineko proiektuetan elkarlanean aritzeko, baliabideak eta ideiak partekatuz eta beste batzuekin modu koordinatuan lan eginez, elkarlanerako tresnak eta talde-lanerako plataformak erabilita. Maila honetako profesionalek aktiboki parte hartu ahal izango lukete onlineko taldeko jardueretan, ekarpen esanguratsuak egin ahal izango lituzkete, eta ingurune birtualetan aplikatzen diren etiketa digitaleko talde-laneko arauak bete ahal izango lituzkete.
  • Ingurune digitaletan informazioa sortzeko eta partekatzeko funtsezko trebetasunak behar dituztenak. Horrenbestez, profesional horiek gai izan behar lukete testua, irudiak eta bideoa editatzeko oinarrizko tresnak erabiltzeko, eduki digitala modu arruntean sortzeko. Halaber, gai izan behar lukete diseinu eta komunikazio digitaleko oinarrizko printzipioak ulertzeko, eta eduki hori zabaltzeko plataformak eta sare sozialak nola erabili jakiteko. Maila honetan, espero da profesionalak gai izatea mezu digital argiak eta koherenteak sortzeko, baina beharbada helmen mugatuagoarekin eta edukia sortzeko teknikarik aurreratuenak erabat menperatu gabe.
  • Segurtasun digitalaren funtsezko kontzeptuak ulertu eta informazio pertsonala eta digitala babesteko oinarrizko jardunbideak bereganatu behar dituztenak. Horrenbestez, profesional horiek gai izan behar lukete onlineko arriskuak ezagutzeko (esaterako, phishinga edo malwarea), pasahitz seguruak erabiltzeko, eta sare sozialetan eta onlineko beste zerbitzu batzuetan pribatutasuna egoki kudeatzeko. Halaber, gai izan behar lukete softwarea eguneratzearen eta segurtasun-tresnak (esaterako, antibirusak eta suebakiak) erabiltzearen garrantziaz jabetzeko. Maila honetan, espero da profesionalak gai izatea oinarrizko segurtasun digitaleko egoerak identifikatzeko eta haiei erantzuteko, ingurune digitalean beren pribatutasuna eta datu pertsonalak babestuta.
  • Tresna digitalak modu eraginkorrean erabiliz erronkak identifikatzeko eta haiei aurre egiteko gai izan behar dutenak. Horrenbestez, profesional horiek gai izan behar lukete egoera problematikoak aztertzeko, informazio esanguratsua ulertzeko, eta irtenbideak aurkitzeko estrategia aproposak aplikatzeko. Maila honetan, espero da profesionalak gai izatea onlineko baliabideak modu oinarrizkoan erabiltzeko, bai informazioa bilatzeko, bai arazoak konpontzen beste batzuekin batera elkarlanean aritzeko. Halaber, espero da gai izatea modu oinarrizkoan ulertzeko nola ebaluatu online aurkitutako informazioaren kalitatea eta fidagarritasuna.

Ziurtapen-eskema

BAIT OINARRIZKOA ziurtapena lortzeko, jarraian aipatzen diren gutxieneko mailak erdietsi beharko dira gaitasun-arloei dagozkien probetako bakoitzean:

⦿ ○ ○
⦿ ○ ○
⦿ ○ ○
⦿ ○ ○
⦿ ○ ○
BAIT OINARRIZKOA BAIT OINARRIZKOA BAIT OINARRIZKOA BAIT OINARRIZKOA BAIT OINARRIZKOA
Ebaluazio-probaren xehetasunak kontsultatzea Ebaluazio-probaren xehetasunak kontsultatzea Ebaluazio-probaren xehetasunak kontsultatzea Ebaluazio-probaren xehetasunak kontsultatzea Ebaluazio-probaren xehetasunak kontsultatzea
NABIGATZEA, ETA DATUAK, INFORMAZIOA ETA EDUKI DIGITALAK BILATZEA ETA IRAGAZTEA:
  • Bere informazio-beharrak identifikatzea, eta ingurune digitaletan bilaketa errazak eginez datuak, informazioa eta edukiak aurkitzea.
  • Datuak, informazioa eta edukia nola kontsultatu daitezkeen eta haietan nola nabiga daitekeen aurkitzea.
  • Bilaketa-estrategia pertsonal errazak identifikatzea.
 TEKNOLOGIA DIGITALEN BIDEZ INTERAKZIOAN JARDUTEA:
  • Interakzioan jarduteko teknologia digital errazak hautatzea.
  • Testuinguru jakin baterako komunikazio-bitarteko errazak eta aproposak identifikatzea.
 BALIABIDEAK GARATZEA:
  • Eduki errazak formatu errazetan sortzeko eta editatzeko moduak identifikatzea.
  • Bitarteko digital errazak sortuz gauzak nola adierazten ditudan aukeratzea.
 GAILUAK BABESTEA:
  • Nire gailuak eta eduki digitalak babesteko modu errazak identifikatzea.
  • Ingurune digitaletan arrisku eta mehatxu arruntak bereiztea.
  • Segurtasun- eta babes-neurri errazak aukeratzea.
  • Fidagarritasuna eta pribatutasuna kontuan izateko modu errazak identifikatzea.
 ARAZO TEKNIKOAK KONPONTZEA:
  • Gailuak eta ingurune digitalak erabiltzean arazo tekniko errazak identifikatzea.
  • Arazoak konpontzeko irtenbide errazak identifikatzea.
DATUAK, INFORMAZIOA ETA EDUKI DIGITALAK EBALUATZEA:
  • Datuen, informazioaren eta eduki digitalen ohiko iturrien fidagarritasuna eta seriotasuna hautematea.
 TEKNOLOGIA DIGITALEN BIDEZ PARTEKATZEA:
  • Datuak, informazioa eta eduki digitalak partekatzeko teknologia digital errazak eta egokiak ezagutzea.
  • Erreferentzia- eta aitorpen-jardun arruntak identifikatzea.
 EDUKI DIGITALA INTEGRATZEA ETA BERRIRO PRESTATZEA:
  • Eduki eta informazio berriko elementu errazak aldatzeko, hobetzeko eta integratzeko moduak hautatzea, beste berri eta original batzuk sortzeko.
 DATU PERTSONALAK ETA PRIBATUTASUNA BABESTEA:
  • Ingurune digitaletan nire datu pertsonalak eta pribatutasuna babesteko modu errazak hautatzea.
  • Informazio pertsonal identifikagarria erabiltzeko eta partekatzeko modu errazak identifikatzea, eta neure burua eta besteak kalteetatik babestea.
  • Zerbitzu digitaletan datu pertsonalak erabiltzeari buruz pribatutasun-politiketan egiten diren adierazpen errazak identifikatzea.
 BEHAR ETA ERANTZUN TEKNOLOGIKOAK IDENTIFIKATZEA:
  • Beharrak identifikatzea.
  • Behar horiek asetzeko tresna digital errazak eta erantzun teknologiko posibleak ezagutzea.
  • Ingurune digitalak behar pertsonaletara doitzeko eta pertsonalizatzeko modu errazak aukeratzea.
DATUAK, INFORMAZIOA ETA EDUKI DIGITALAK KUDEATZEA:
  • Ingurune egituratuetan datuak, informazioa eta edukiak erraz nola antolatu, biltegiratu eta berreskura daitezkeen identifikatzea.
  • Ingurune egituratuetan haiek erraz nola antola daitezkeen ezagutzea.
 HERRITARREK TEKNOLOGIA DIGITALEN BIDEZ PARTE HARTZEA:
  • Gizartean parte hartzeko zerbitzu digital errazak identifikatzea.
  • Neure burua gaitzeko eta gizartean herritar gisa parte hartzeko teknologia digital errazak eta aproposak ezagutzea.
 EGILE-ESKUBIDEAK (COPYRIGHT) ETA JABETZA INTELEKTUALEKO LIZENTZIAK:
  • Datuei, informazio digitalari eta edukiei aplikatzen zaizkien egile-eskubideen eta lizentzien arau errazak identifikatzea.
 OSASUNA ETA ONGIZATEA BABESTEA:
  • Teknologia digitalak erabili bitartean osasun-arriskuak eta ongizate fisikoaren eta psikologikoaren aurkako mehatxuak saihesteko modu errazak bereiztea.
  • Ingurune digitaletan egon daitezkeen arriskuetatik babesteko modu errazak hautatzea.
  • Ongizate sozialerako eta gizarteratzeko teknologia digital errazak identifikatzea.
 TEKNOLOGIA DIGITALA SORMENEZ ERABILTZEA:
  • Ezagutza sortzeko eta prozesu eta produktuak berritzeko erabil daitezkeen tresna eta teknologia digital errazak identifikatzea.
  • Ingurune digitaletako arazo kontzeptual errazak eta egoera problematikoak ulertzeko eta ebazteko prozesamendu kognitibo sinplearekiko interesa erakustea, nola banaka hala kolektiboki.
  TEKNOLOGIA DIGITALEN BIDEZ ELKARLANEAN ARITZEA:
  • Lankidetza-prozesuetarako tresna eta teknologia digital errazak aukeratzea.
 PROGRAMAZIOA:
  • Sistema informatikoek arazo bat konpontzeko edo zeregin erraz bat egiteko argibide errazak zerrendatzea.
 INGURUMENAREN BABESA:
  • Teknologia digitalek eta haiek erabiltzeak ingurumenean dituen eragin arruntak ezagutzea.
 GAITASUN DIGITALETAN HUTSUNEAK IDENTIFIKATZEA:
  • Neure gaitasun digitala non hobetu edo eguneratu behar dudan ezagutzea.
  • Norbera garatzeko eta bilakaera digitalarekin egunean egoteko aukerak non bilatu identifikatzea.
  SAREKO PORTAERA:
  • Teknologia digitalak erabiltzean eta ingurune digitaletan interakzioan aritzean portaera-arauak eta ezagutza praktiko arruntak bereiztea.
  • Ikus-entzule batzuei egokitutako komunikazio-modu eta -estrategia errazak aukeratzea.
  • Ingurune digitaletan kultura- eta belaunaldi-aniztasuneko alderdi errazak bereiztea.
      
  NORTASUN DIGITALA KUDEATZEA:
  • Nortasun digital bat identifikatzea.
  • Onlineko nire ospea babesteko modu errazak deskribatzea.
  • Tresna, ingurune edo zerbitzu digitalen bidez ekoizten ditudan datu arruntak ezagutzea.