BAIT AURRERATUA

BAIT

AURRERATUA

BAIT AURRERATUA ziurtapena profesional hauei zuzenduta dago:

  • Hainbat testuingurutan informazio digitala aurkitzeko, ebaluatzeko, antolatzeko eta modu eraginkorrean erabiltzeko trebetasunak behar dituztenak. Horrenbestez, profesional horiek gai izan behar lukete askotariko iturri eta plataformetan bilaketa-estrategia aurreratuak erabiltzeko, eta aurkitutako informazioaren garrantzia, sinesgarritasuna eta fidagarritasuna kritikoki ebaluatzeko. Halaber, gai izan behar lukete datu-bolumen handiak eraginkortasunez erabiltzeko, antolaketa- eta azterketa-teknika aurreratuak aplikatuz estatistika esanguratsuak ateratzeko. Konpetentzia-maila hau duten profesionalek gai izan behar lukete lortutako informazioa modu argi eta eraginkorrean laburbiltzeko eta komunikatzeko, ezagutzak garatzeko, eta askotariko esparru pertsonal eta profesionaletan erabaki informatuak hartzeko.
  • Ingurune digitaletan modu eraginkorrean eta elkarlanean interakzioan jarduteko era guztietako trebetasun digitalak menperatu behar dituztenak. Horrenbestez, profesional horiek gai izan behar lukete onlineko askotariko komunikazio-tresna eta -plataformak modu eraginkorrean eta seguruan erabiltzeko, informazioa kudeatzeko, ezagutzak partekatzeko, eta birtualki taldean lan egiteko. Maila aurreratua dutenek gai dira hainbat testuinguru digitaletara erraz egokitzeko, estrategia aurreratuak erabiliz modu argi, limurtzaile eta enpatikoan komunikatzeko, nola esparru pertsonalean hala profesionalean. Halaber, konpetentzia-maila handia dute onlineko lankidetza-jarduerak koordinatzeko, eta, horri esker, taldekideen partaidetza aktiboa eta haien arteko ideia-truke konstruktiboa sustatzen dute. Laburbilduz, komunikazio eta lankidetza digitalean maila aurreratua izateak esan nahi du lider eraginkorra dela ingurune digitaletan eta gai dela lankidetza, sormena eta helburu komunen lorpena sustatzeko tresna eta baliabide digitalak modu eraginkorrean erabiliz.
  • Mota askotako eduki digitala kontzeptualizatzeko, diseinatzeko, ekoizteko eta zabaltzeko trebetasunak menperatu beharra dutenak. Horrenbestez, profesional horiek gai izan behar lukete multimedia-formatu askotan eduki originala eta erakargarria sortzeko (adibidez, testua, irudiak, audioa eta bideoa) tresna eta plataforma digitalak modu eraginkorrean eta sormenez erabiliz. Halaber, gai izan behar lukete erabilgarritasunari, erabilerraztasunari eta erabiltzailearengan zentratutako diseinuari buruzko printzipioak ulertzeko, edukiaren kalitatea eta garrantzia bermatzeko. Maila aurreratua izanez gero, gai izango lirateke garapen-bidean dauden joera teknologietara egokitzeko eta sortutako edukiak hainbat testuingurutan eta era guztietako ikus-entzuleengan duen eraginkortasuna eta eragina kritikoki ebaluatzeko. Laburbilduz, eduki digitalak sortzeko konpetentzia maila aurreratua edukiz gero, gai izango dira gaur egungo estandarrak betetzen dituen eta ingurune digitalean komunikazioa eta interakzioa modu esanguratsuan errazten dituen kalitate handiko material digitala ekoizteko.
  • Hainbat testuingurutan arriskuak identifikatzeko eta kudeatzeko trebetasun sendoak behar dituztenak. Horrenbestez, profesional horiek gai izan behar lukete informazioaren segurtasun-printzipioak ulertzeko; adibidez, pasahitzak segurtasunez erabiltzea eta malwarearen aurka babestea. Halaber, gai izan behar lukete mehatxu zibernetiko komunak ezagutzeko eta haiei erantzuteko; adibidez, phishinga eta gizarte-ingeniaritzako erasoak. Segurtasun digitalean maila ertaina izanez gero, oinarrizko ezagutzak izango dituzte onlineko pribatutasuna babesteari eta datu pertsonalak arduraz erabiltzeari buruz. Halaber, gai izango lirateke segurtasun-neurri egokiak aplikatzeko sarean nabigatzean, sare sozialak erabiltzean eta online komunikatzean, eta aldian-aldian softwarea eguneratzearen eta antibirusa eguneratuta edukitzearen garrantziaz jabetzeko. Laburbilduz, segurtasun digitalean maila ertaina edukiz gero, gai izango lirateke arrisku digitalez jabetzeko eta onlineko ingurunean behar bezala babesteko beharrezko trebetasunak edukitzeko.
  • Tresna digitalak modu eraginkorrean erabiliz askotariko egoera problematikoak identifikatzeko eta haiei heltzeko trebetasun solidoak behar dituztenak. Horrenbestez, gai izan behar lukete arazoak modu autonomoan eta kreatiboan konpontzeko estrategiak aplikatzeko, informazioa bildu, aukerak ebaluatu eta erabaki informatuak hartzeko baliabide digital egokiak erabiliz. Halaber, konpetentzia-maila hau duten profesionalek gai izan behar lukete ingurune digitaletan elkarlanean aritzeko, teknologiaren konpetentziak erabiliz etengabe aldatuz doazen testuinguru digitaletako aldaketa eta erronkei baterako irtenbideak aurkitzeko eta haietara egokitzeko.

Ziurtapen-eskema

BAIT AURRERATUA ziurtapena lortzeko, jarraian aipatzen diren gutxieneko mailak erdietsi beharko dira konpetentzia-arloko dagozkien probetako bakoitzean:

⦿ ⦿ ⦿
⦿ ⦿ ⦿
⦿ ⦿ ⦿
⦿ ⦿ ○
⦿ ⦿ ○
BAIT AURRERATUA BAIT AURRERATUA BAIT AURRERATUA BAIT ERTAINA BAIT ERTAINA
Ebaluazio-probaren xehetasunak kontsultatzea Ebaluazio-probaren xehetasunak kontsultatzea Ebaluazio-probaren xehetasunak kontsultatzea Ebaluazio-probaren xehetasunak kontsultatzea Ebaluazio-probaren xehetasunak kontsultatzea
NABIGATZEA, ETA DATUAK, INFORMAZIOA ETA EDUKI DIGITALAK BILATZEA ETA IRAGAZTEA:
  • Informazio-beharrak baloratzea.
  • Datu, informazio eta edukirik aproposenak aurkitzeko eta haietan nabigatzeko bilaketa-estrategia egokitzea.
  • Datu, informazio eta edukirik aproposenak nola kontsultatu daitezkeen eta haietan nola nabiga daitekeen azaltzea.
  • Hainbat bilaketa-estrategia pertsonal edukitzea.
 TEKNOLOGIA DIGITALEN BIDEZ INTERAKZIOAN JARDUTEA:
  • Askotariko teknologia digitalak egokitzea interakziorik egokiena lortzeko.
  • Komunikazio-bitartekorik egokiena testuinguru jakin batera egokitzea.
 BALIABIDEAK GARATZEA:
  • Edukia aldatzea, formaturik egokienak erabiliz.
  • Gauzak nola adierazten ditudan egokitzea, bitarteko digitalik egokienak sortuz.
 GAILUAK BABESTEA:
  • Nire gailu eta eduki digitalak babesteko moduak antolatzea.
  • Ingurune digitaletan arrisku eta mehatxuak bereiztea.
  • Segurtasun- eta babes-neurriak hautatzea.
  • Fidagarritasuna eta pribatutasuna kontuan izateko moduak azaltzea.
 ARAZO TEKNIKOAK KONPONTZEA:
  • Ingurune eta gailu digitalak erabiltzean dauden arazo teknikoak ebaluatzea.
  • Askotariko irtenbideak aplikatzea.
DATUAK, INFORMAZIOA ETA EDUKI DIGITALAK EBALUATZEA:
  • Informazio, datu eta eduki digitalak lortzeko iturrien fidagarritasuna eta seriotasuna kritikoki baloratzea.
  • Datu, informazio eta eduki digitalen fidagarritasuna eta seriotasuna kritikoki baloratzea.
 TEKNOLOGIA DIGITALEN BIDEZ PARTEKATZEA:
  • Informazioa eta edukiak partekatzeko teknologia digitalik egokienak ebaluatzea.
  • Nire bitartekari-lana egokitzea.
  • Erreferentzia- eta aitorpen-jardunik egokienen erabilera aldatzea.
 EDUKI DIGITALA INTEGRATZEA ETA BERRIRO PRESTATZEA:
  • Eduki- eta informazio-elementu espezifiko berriak aldatzeko, hobetzeko eta integratzeko modurik aproposenak ebaluatzea, beste berri eta original batzuk sortzeko.
 DATU PERTSONALAK ETA PRIBATUTASUNA BABESTEA:
  • Ingurune digitaletan nire datu pertsonalak eta pribatutasuna babesteko moduak eztabaidatzea.
  • Informazio pertsonal identifikagarria erabiltzeko eta partekatzeko moduak eztabaidatzea, eta neure burua eta besteak kalteetatik babestea.
  • Zerbitzu digitaletan datu pertsonalak erabiltzeari buruz pribatutasun-politiketan egiten diren adierazpenak aipatzea.
 BEHAR ETA ERANTZUN TEKNOLOGIKOAK IDENTIFIKATZEA:
  • Beharrak azaltzea.
  • Behar horiek asetzeko tresna digitalak eta erantzun teknologiko posibleak hautatzea.
  • -Ingurune digitalak behar pertsonaletara doitzeko eta pertsonalizatzeko moduak hautatzea.
DATUAK, INFORMAZIOA ETA EDUKI DIGITALAK KUDEATZEA:
  • Informazioaren, datuen eta edukien kudeaketa biltegiratzeko eta berreskuratzeko modurik aproposenera egokitzea.
  • Haiek egokitzea, ingurune egituraturik aproposenetan antolatzeko eta prozesatzeko.
 HERRITARREK TEKNOLOGIA DIGITALEN BIDEZ PARTE HARTZEA:
  • Gizartean parte hartzeko zerbitzu digitalik egokienen erabilera aldatzea.
  • Neure burua gaitzeko eta gizartean herritar gisa parte hartzeko teknologia digitalik egokienen erabilera aldatzea.
 EGILE-ESKUBIDEAK (COPYRIGHT) ETA JABETZA INTELEKTUALEKO LIZENTZIAK:
  • Egile-eskubideek eta lizentziek datuei, informazio digitalari eta edukiei aplikatzen dizkieten araurik egokienak aukeratzea.
 OSASUNA ETA ONGIZATEA BABESTEA:
  • Teknologia erabiltzeak nire osasun fisikoari eta psikologikoari eragin diezazkiokeen mehatxuak nola saihets daitezkeen azaltzea.
  • Ingurune digitaletan norbera eta besteak kalteetatik babesteko moduak hautatzea.
  • Ongizaterako eta gizarteratzeko teknologia digitalei buruz eztabaidatzea.
 TEKNOLOGIA DIGITALA SORMENEZ ERABILTZEA:
  • Ezagutza sortzeko eta prozesu eta produktuak berritzeko erabil daitezkeen tresna eta teknologia digitalak bereiztea.
  • Ingurune digitaletan arazo kontzeptualak eta egoera problematikoak ulertzeko eta konpontzeko prozesamendu kognitiboan parte hartzea, banaka eta kolektiboki.
  TEKNOLOGIA DIGITALEN BIDEZ ELKARLANEAN ARITZEA:
  • Lankidetza-prozesuetarako tresna eta teknologia digitalik egokienen erabilera aldatzea.
  • Datuak, baliabideak eta ezagutzak batera eraikitzeko eta sortzeko tresna eta teknologia digitalik aproposenak aukeratzea.
 PROGRAMAZIOA:
  • Argibiderik egokienak zehaztea, sistema informatikoek arazo jakin bat konpon dezaten eta zeregin espezifikoak egin ditzaten.
 INGURUMENAREN BABESA:
  • Ingurumena teknologia digitalen eta haiek erabiltzearen eraginetik babesteko moduak eztabaidatzea.
 KONPETENTZIA DIGITALETAN HUTSUNEAK IDENTIFIKATZEA:
  • Nire konpetentzia digitala zein alderditan hobetu edo eguneratu behar dudan eztabaidatzea.
  • Beren konpetentzia digitala garatzen besteei nola lagundu adieraztea.
  • Norbera garatzeko eta bilakaera digitalarekin egunean egoteko aukerak non bilatu adieraztea.
  SAREKO PORTAERA:
  • Teknologia digitalak erabiltzean eta ingurune digitaletan interakzioan aritzean portaera-araurik eta ezagutza teknikorik egokienak egokitzea.
  • Ingurune digitaletako komunikazio-estrategiarik egokienak ikus-entzule jakin batzuei egokitzea.
  • Ingurune digitaletan kultura- eta belaunaldi-aniztasuneko askotariko alderdiak aplikatzea.
      
  NORTASUN DIGITALA KUDEATZEA:
  • Askotariko nortasun digitalak bereiztea.
  • Norberaren ospea babesteko modurik egokienak azaltzea.
  • Era askotako tresna, ingurune eta zerbitzuen bidez ekoiztutako datuak aldatzea.