Luzapenak

Zibersegurtasuna

Eraldaketa digitala nagusi den honetan, etorkizuneko profesionalentzat funtsezkoa da zibersegurtasunaren arloko ezagutzak eta trebetasunak izatea, erakundeen informazio korporatiboa eta azpiegitura digitala babesten baitu.

DigComp gaitasun digitalen esparru komunak zibersegurtasunaren garrantzia azpimarratzen du, bere 21 gaitasunetako askotan integratzen baitu; esaterako, nortasun digitalaren kudeaketa, datu pertsonalen babesa eta mehatxu zibernetikoekiko erantzuna.

Zibersegurtasuna erabakigarria da enpresa-sistema digitalen osotasuna eta haiekiko konfiantza mantentzeko, negozioaren jarraitutasuna eta eraso zibernetikoen aurkako babesa ziurtatuz. Datozen urteetako profesionalek behar-beharrezkoak dituzte trebetasun horiek segurtasun-erregulazio eta -araudiak betetzeko, baina baita ingurune digital seguruetan berritzeko eta liderrak izateko ere. DigComp bidez, oso garrantzitsutzat jotzen da zibersegurtasunaren arloko gaitasunak garatzea etorkizuneko profesionalek modu eraginkorrean kudea ditzaten arrisku digitalak eta lagungarri izan daitezen ingurune digital erresiliente eta seguru bat sortzeko.

Laster emango ditugu xehetasun gehiago.

Adimen artifiziala

Adimen artifiziala (AA) erabakigarria da etorkizuneko profesionalengan gaitasun digitalak garatzeko, Herritarrentzako Gaitasun Digitalen Esparruarekin (DigComp) bat etorriz.

AAk ia zuzenean eragiten die DigComp-en zehaztutako gaitasun guztiei, hiru arrazoirengatik: datu-bolumen handiak aztertzeko gaitasuna hobetzen duelako (informazioa); tresna adimendunen bidez (esaterako, laguntzaile birtualak eta elkarlanean aritzeko plataformak) komunikazioa eta lankidetza errazten duelako; eta teknologia aurreratuen bidez (hala nola hizkuntza naturalaren prozesamendua eta edukiaren sorrera automatikoa) eduki digitalaren sorrera bultzatzen duelako.

Horrez gain, AA ezinbestekoa da segurtasunean, modu proaktiboan identifikatzen eta arintzen baititu mehatxu zibernetikoak. Arazoak konpontzean, AAk tresna analitikoak eta prediktiboak eskaintzen ditu, eta, haien bidez, modu eraginkorragoan hel diezaiekete profesionalek erronka konplexuei. Horrenbestez, datozen urteetako profesionalentzat ezinbestekoa da AAren arloko ezagutzak eta trebetasunak eskuratzea, etengabe aldatzen ari den lan-ingurune digital batean egokitzeko eta gailentzeko aukera emango baitie, gaitasun digital aurreratuak garatzeko DigComp-ek ezarrita dauzkan helburuekin bat etorriz.

Laster emango ditugu xehetasun gehiago.